قامی اتحاد

 قامي اتحاد: د يوې پرمختللې ټولنې ضامن

سريزه

قامي اتحاد د يوې ټولنې د پرمختګ، امن، او خوشحالۍ لپاره بنسټيز ارزښت لري. يوه ملت هغه وخت پرمختګ کولی شي چې ټول وګړي يې د يو والي احساس ولري او د ګډو مښو لپاره کار وکړي د قامي اتحاد نشتون يو ملت له دننه کمزوری کوي او پرمختګ يې له خنډونو سره مخ کوي

د قامي اتحاد اهميت

اجتماعي همغږي: قامي اتحاد د ټولنې مختلف قومونو ژبو او مذهبونو ترمنځ درناوی او همکاري رامنځته کوي، چې د ټولنيز عدالت بنسټ دی

سياسي ثبات: متحد ملتونه د سياسي اختلافاتو د حل لپاره غوره لارې مومي، چې دا په خپله د پرمختګ سبب کېږي

 اقتصادي پرمختګ: کله چې ملت متحد وي، اقتصادي پرمختګ ته زمينه برابروي ځکه چې ګډې موخې ټولنيزې هڅې منظموي

 نړيواله پېژندګلوي: قامي اتحاد ملت ته په نړيواله کچه وقار او درناوی ورکوي، او دوی ته په مهمو پرېکړو کې کردار ورکول کېږي

د قامي اتحاد خنډونه

 لساني او قومي تعصبونه: د قومونو او ژبو پر بنسټ تعصب د ملت په منځ کې درزونه پيدا کوي

فرقوي اختلافات: د مذهب په نامه اختلافات د ملت همغږي له منځه وړي

 اقتصادي بې‌عدالتي: د ټولنې د غريبو او شتمنو تر منځ توپير د بې‌اعتمادي سبب ګرځي

سياسي لانجې: د سياستوالو شخصي ګټې اکثراً د ملت د ګډو ګټو پر وړاندې خنډ جوړوي

د قامي اتحاد د پياوړتيا لارې چارې

 تعليم: د خلکو ترمنځ د يو والي او ورورولۍ د احساس د رامنځته کولو لپاره د تعليم او پوهاوي وده اړينه ده

مساوات او انصاف: په ټولنه کې د عدالت تامين د قامي اتحاد لپاره بنيادي شرط دی.

ګډې موخې:د ملت د پرمختګ لپاره بايد داسې موخې وټاکل شي چې ټول قومونه پرې باور ولري او د هغو لپاره ګډ کار وکړي.

د ځوانانو رول: ځوانان د ملت ستر قوت دی د دوی د ښې روزنې او ملاتړ له لارې قامي اتحاد پياوړی کېدای شي

پايله

قامي اتحاد د هر ملت د بريا او پرمختګ اساس دی. که يو ملت غواړي چې په نړيواله کچه پرمختګ وکړي او د ځان لپاره يو ښه راتلونکی جوړ کړي، نو بايد قامي اتحاد ته لومړيتوب ورکړي. په دې حساسو حالاتو کې، د هر وګړي ذمه واري ده چې د خپلې ټولنې او ملت د اتحاد لپاره خپل رول ترسره کړي

مياں اخترراز باچا